Евгений Маслов: кудывечылам олмыктымо пашам икымше октябрьлан мучашлаш шонена

              Йошкар-Олан мэрже Евгений Маслов увертарен: кудывечылам олмыктымо пашам икымше октябрьлан мучашлаш шонена. Кызыт рӱдӧ олаштына уло куатын кудывечылам да тушко пурымо корнылам олмыктат. Кок верыште пашам мучашлыме: 19-ше номеран школ воктене да Подольскысо Курсант- влак уремыште, а Строитель да Советский- Яналов уремласе кудывечыште паша мучашыш лишемеш. Спискыш пуртымо моло объектлаште подрядчик- влак тыршат. Олан историйыштыже икымше гана кудывечылам олмыкташ 150 миллион утла теҥгем ойырымо. Чыла пашам  икымше октябрьлан мучашлаш шонена. Тиде жапланак вес ий- влаклан кудывечылам олмыкташ посна муниципал программым ямдылен шуктена,- каласен Евгений Маслов. Южо кундемыште, мутлан, «Весняночка», «Гнездышко», «Пчёлка», «Кече» йоча садла воктене корным гына огыл олмыктат, йолын коштмо у корно- влакат чоҥалтыт. Шуктымо пашам кечын терген шогат.
          Фото: Йошкар-Олан мэрже Евгений Маслов.

Прошлые выпуски