Кодшо ий гыч тӱналын корно службо- влак изи яллашке намийыше корно- влакым уэмдаш тӱналыныт
Кодшо ий гыч тӱналын «Илашлан инфраструктура» калыкле проектым шыҥдарымылан кӧра корно службо- влак изи яллашке намийыше корно- влакым уэмдаш тӱналыныт. Тений Волжский районысо Чодыраял деке мийыше кок корным норматив марте шуктышаш улыт. Кок корным ушышо ялыште воктел илем- влакланат кӱлешан социал объект- влак верланеныт: школ, фельдшер-акушер пункт, Тӱвыра пӧрт, почто, книгагудо, ял озанлык предприятий да кочкыш-сату кевыт. Келшыше игече толмеке «Тиса» подряд организаций Чодыраял- У Корамас корнышто асфальтым шара, вӱдым колтышо пуч- влакым олмыкта, корно тӱрым пеҥгыдемда да разметкым ышта. Корнын кужытшо куд меҥгат 300 метр лиеш. Пашам 31-ше июль марте мучашлышаш улыт.
Тыгак Чодыраял- Нурмучаш корным олмыктат. Тудын кужытшо- ик меҥгат 200 метр. Пашам «Гранит» организаций шуктышаш. Туштат шартышым уэмдат да корно тӱрым тыгыде кӱ дене пеҥгыдемдат. Кок корныжат турист маршрутыш пурат да «Чоткар-патыр» тӱвыра да историй комплексыш намият.
Фото: Римма Лукаева.
Тыгак Чодыраял- Нурмучаш корным олмыктат. Тудын кужытшо- ик меҥгат 200 метр. Пашам «Гранит» организаций шуктышаш. Туштат шартышым уэмдат да корно тӱрым тыгыде кӱ дене пеҥгыдемдат. Кок корныжат турист маршрутыш пурат да «Чоткар-патыр» тӱвыра да историй комплексыш намият.
Фото: Римма Лукаева.
