Республикыштына 2030-шо ийлан шӱдӧ утла почто пӧлкам модернизироватлыме лиеш
Республикыштына 2030-шо ийлан шӱдӧ утла почто пӧлкам модернизироватлыме лиеш. Россий Президентын тӱҥалме почто инфраструктурым вияҥдыме шотышто кугу программе кышкарыште паша умбакыже шуйна. 2022-шо ий гыч Республикыште ялласе 40 почто пӧлкам уэмдыме. 2030-шо ийлан 102-ытым олмыкташ палемдыме. Лишыл кок ийыште 41 пӧлкам шотыш кондымо лиеш. Тидын нерген Республикым вуйлатыше Юрий Зайцевын Федерал почто кыл виктемын директоржо Андрей Виногоров дене пашаче вашлиймашыштышт пале лийын.
Андрей Виногоров республикым вуйлатыше- влаклан полышыштлан таум каласен. 2025-ше 2026-шо ийлаште Республикын законжо дене почто виктемым погылан да транспортлан налог деч эрыкаҥдыме. Налоглан тӱлышаш куд миллион теҥге оксам кодшо ийын почта пашаеҥ- влакын пашадарыштым кӱзыкташат колтымо. Почто пӧлка пашам пуышо кугу организаций улеш. Тушто республикысе тӱжемат 200 утла еҥ пашам ышта. Сетьыш вич почтамт, 257 пӧлка пура. Тушечын 193-шо яллаште верланеныт. «Земский почтальон» конкурсыш йодмашым пуымо дене Марий Эл ончыл верым айла. Тора яллаште илыше- влаклан земский почтальон райрӱдышко коштде связь полышым налаш полша. Кодшо ийын почто пӧлкан пашаеҥже Ольга Швецова уло Россий гыч конкурсын участникше- влак коклаште 12-шо верым налын.
Кодшо ийын почто виктем шым миллион утла серыш ден бандерольым, 300 тӱжем утла посылкым обрабатыватлен, верышке намиен шуктен. Тушечын 600-жӧ СВО кундемыш каен. Почтальон- влак ныл миллионат пеле экземпляр периодикым да комунал полышлан шым миллионат 700 счётым намиен пуэныт. 55 тӱжем пенсионерлан 800 тӱжем пенсий ден пособийым 15 миллиард утла теҥгеашым кучыктеныт.
Фото: Марий Элым вуйлатышын администрацийжын увер дене пашам ыштыше пӧлкаже.
Андрей Виногоров республикым вуйлатыше- влаклан полышыштлан таум каласен. 2025-ше 2026-шо ийлаште Республикын законжо дене почто виктемым погылан да транспортлан налог деч эрыкаҥдыме. Налоглан тӱлышаш куд миллион теҥге оксам кодшо ийын почта пашаеҥ- влакын пашадарыштым кӱзыкташат колтымо. Почто пӧлка пашам пуышо кугу организаций улеш. Тушто республикысе тӱжемат 200 утла еҥ пашам ышта. Сетьыш вич почтамт, 257 пӧлка пура. Тушечын 193-шо яллаште верланеныт. «Земский почтальон» конкурсыш йодмашым пуымо дене Марий Эл ончыл верым айла. Тора яллаште илыше- влаклан земский почтальон райрӱдышко коштде связь полышым налаш полша. Кодшо ийын почто пӧлкан пашаеҥже Ольга Швецова уло Россий гыч конкурсын участникше- влак коклаште 12-шо верым налын.
Кодшо ийын почто виктем шым миллион утла серыш ден бандерольым, 300 тӱжем утла посылкым обрабатыватлен, верышке намиен шуктен. Тушечын 600-жӧ СВО кундемыш каен. Почтальон- влак ныл миллионат пеле экземпляр периодикым да комунал полышлан шым миллионат 700 счётым намиен пуэныт. 55 тӱжем пенсионерлан 800 тӱжем пенсий ден пособийым 15 миллиард утла теҥгеашым кучыктеныт.
Фото: Марий Элым вуйлатышын администрацийжын увер дене пашам ыштыше пӧлкаже.
