Рӱдӧ оланам тений шукырак пеледыш клумбо сӧрастараш тӱналеш
Рӱдӧ оланам тений шукырак пеледыш клумбо сӧрастараш тӱналеш. Ондак кушто лийын огыл гын, туштат пеледыш- влакым вераҥдат. Сӧрастарышаш объект- влак спискыш корнывожласе икмыняр оҥгым пуртымо. Тиде Строитель ден Крылов урем, Карл Маркс ден Строитель. Карл Маркс ден Панфилов, Карл Либкнехт ден Ленин проспект ушнымо вер- влак. Пеледышым тыгак Марий паркыште да Пролетар уремыште Республикысе клинический эмлыме верыш пурымо кумдыкышто шындат. Уремлам сӧрастараш ола администраций у, кызытсе жаплан келшыше вазон ден кашпом налын. Посна тӱткыш чылан йоратыме вер- Эҥер серлан ойыралтеш. Тушто пеледышан 50 утла у вазон вераҥеш. Тыгак пеледыш композиций- влак Вознесенский урем ден Ленин проспектым волгалтараш тӱналыт,- возен социал вотысо шке лаштыкыштыже ола мэрын пашажым шуктышо Антон Трудинов.
Фото: А.Трудиновын ВК лаштыкше гыч.
Фото: А.Трудиновын ВК лаштыкше гыч.
