Шкетан театрыште - у вуйлатыше- влак

Шкетан театрыште - у вуйлатыше- влак
            Шкетан лӱмеш марий калыкле драма театрын тӱҥ режиссёржылан Олег Иркабаевым шогалтыме,- увертара тӧнежын пресс-службыжо. Олег Геннадьевич 1977-ше ийыште Москосо кугыжаныш тӱвыра институтын режиссер да театр пӧлкажым, 1987-ше ийыште ГИТИС-ын драма режииссура факультетшым тунем пытарен. 1979-ше гыч 1983-шо ий марте Шкетан театрын артистше, 1987-ше- 1991-ше ийлаште Шкетан театрын да Руш драма театрын режиссёржылан ыштен. 1991-ше ийыште Марий самырык театрым негызлаш тӱналтышым ыштен да тудым ятыр ий вуйлатен. Тиде жапыштак Шкетан театрын сценыштыжат спектакль-влакым шынден. Тудын постановкыжо- влак фестивальлаште кӱкшӧ акым да лӱмлӧ премий- влакым наледеныт.
            Шкетан лӱмеш Марий калыкле драма театрын художественный вуйлатышыжлан Роман Алексеевым шогалтыме. Правительстве вуйлатышын алмаштышыже- тӱвыра министр Константин Иванов театрын коллектившылан у художественный вуйлатыше нерген увертарен. Роман Алексеев Марий Элын калык артистше, Кугыжаныш премийын лауреатше, ятыр гана Йыван Кырла лӱмеш калыкле театр премийын лауреатше лийын. 1998-ше ийыште Щепкин лӱмеш кӱшыл театр училищым тунем пытарен. Театрыште пашам ыштыме жапыште тӱрлӧ жанран спектакль- влакым йоча-шамычланат, кугыеҥ- влакланат шынден. Театрыште тӱн режиссёрым у пашаш шогалтымым куанен вашлийыныт. Тудым шке пашажлан ӱшанле улшо, кызытсе жаплан келшышын шонышо, уста паша лидер семын аклат.
            Фото: Марий книга савыктыш.

Прошлые выпуски