Тӱвырам федерал кӱкшыт гыч поддержатлыме кугыт кодшо ийысе деч ныл пачаш наре кугемеш
Республикыштына тений тӱвырам федерал кӱкшыт гыч поддержатлыме кугыт кодшо ийысе деч ныл пачаш наре кугемеш да 786 миллион теҥгем эртышаш. «Еш» калыкле проект почеш Марий Элыште сымыктыш школым чоҥат, тоштерым олмыктат да моделян куд книгагудым почыт. Тидын нерген правительстве вуйлатышын алмаштышыже- тӱвыра министр Константин Иванов коллегийын заседанийыштыже ойлен.
Республикысе бюджетын оксажым шотыш налын финансированийын тӱшка кугытшо кок миллиардат 800 миллион теҥгем эрта. Федерал окса сайын ешаралтме дене тӱвыра, туныктыш, калыкле политике аланыште кугу проектлам шыҥдараш йӧным пуа. 632 миллион теҥге Медведевыште йоча сымыктыш школым чоҥаш, Оршанкыште воин чап тоштерым, Юринысе тӱвыра пӧртым капитально олмыкташ, Чавайн лӱмеш книгагудо ден Шкетан театрым пужен ыштыме пашам умбакыже шуяш колталтеш. Куд модельный книгагудым почаш, Евсеев лӱмеш тоштер ден Тӱссымыктыш тоштерым технике дене пойдараш, Волжскышто креатив индустрий школым почаш палемдыме. Калыкын икоян улмо идалыкыште 500 утла мероприятий эртаралтшаш. Тений куд профессионал театр элна мучко гастрольыш кая. 9-ше апрель гыч Галина Уланова лӱмеш 24-ше балет фестиваль тӱҥалеш, 12-шо гыч 17-ше май марте Эрик Сапаев лӱмеш театрыште балет артист да хореограф- влакын Россий кӱкшытан конкурсышт эрта. «Земский тӱвыра пашаеҥ» программе кышкарыште 20 специалист ик миллион теҥге гыч налеш. Тӱвыра тӧнеж- влак негызеш «Икымше- влак толкынын» первичный пӧлкашт умбакыже почылтеш Почмо торжественный церемонийже 14-ше апрельыште лийшаш. Паша шуко. Чылажымат чаткан шукташ тыршена,- каласен Константин Иванов.- Воза «Кидшер» сайт.
Фото: Евгений Никифоров / Кидшер
Республикысе бюджетын оксажым шотыш налын финансированийын тӱшка кугытшо кок миллиардат 800 миллион теҥгем эрта. Федерал окса сайын ешаралтме дене тӱвыра, туныктыш, калыкле политике аланыште кугу проектлам шыҥдараш йӧным пуа. 632 миллион теҥге Медведевыште йоча сымыктыш школым чоҥаш, Оршанкыште воин чап тоштерым, Юринысе тӱвыра пӧртым капитально олмыкташ, Чавайн лӱмеш книгагудо ден Шкетан театрым пужен ыштыме пашам умбакыже шуяш колталтеш. Куд модельный книгагудым почаш, Евсеев лӱмеш тоштер ден Тӱссымыктыш тоштерым технике дене пойдараш, Волжскышто креатив индустрий школым почаш палемдыме. Калыкын икоян улмо идалыкыште 500 утла мероприятий эртаралтшаш. Тений куд профессионал театр элна мучко гастрольыш кая. 9-ше апрель гыч Галина Уланова лӱмеш 24-ше балет фестиваль тӱҥалеш, 12-шо гыч 17-ше май марте Эрик Сапаев лӱмеш театрыште балет артист да хореограф- влакын Россий кӱкшытан конкурсышт эрта. «Земский тӱвыра пашаеҥ» программе кышкарыште 20 специалист ик миллион теҥге гыч налеш. Тӱвыра тӧнеж- влак негызеш «Икымше- влак толкынын» первичный пӧлкашт умбакыже почылтеш Почмо торжественный церемонийже 14-ше апрельыште лийшаш. Паша шуко. Чылажымат чаткан шукташ тыршена,- каласен Константин Иванов.- Воза «Кидшер» сайт.
Фото: Евгений Никифоров / Кидшер
