Кум районышто корным кучаш да олмыкташ 336 миллион утла теҥгем колтат

Кум районышто корным кучаш да олмыкташ 336 миллион утла теҥгем колтат
              Марий Элысе кум районышто корным кучаш да олмыкташ 336 миллион утла теҥгем колтат Пашам У Торъял, Оршанке да Курык марий районласе корно ужашлаште шукташ палемдалтеш. Келшыше тендер- влакым кугыжаныш закупко сайтыште вераҥдыме. Эн кугу акшым- 151 миллион утла теҥгем У Торъял районысо кок корным олмыкташ ойырымо. Тушто Кузнеч- Кандашплак- Веденкан да Токтарсола- Кугу Кемсола корно ужашлам шотыш кондат. Корнын тӱшка кужытшо вич меҥгат 700 метрыш погына. Пашам 16-шо октябрь марте шуктышаш улыт. 111 миллионат 400 тӱжем теҥгем Курык марий районысо Картук- Йоласал- Пайыскырык да Козьмодемьянск- Кугу Сундырь корно ужашлам шотышто кучаш колталтеш. Тушто 10-шо июнь марте пашам шуктышаш улыт. Оршанке районышто кок меҥгат 800 метр кужыт Марково- Изи Кугунур корным олмыкташ 73 миллионат 600 тӱжем теҥгем ойырат. Тиде корным 30 сентябрь марте ыштен шуктышаш улыт. Чылажланат окса республикын бюджетше гыч колталтеш.
          Фото: Архив.

Прошлые выпуски