Кок тоштер стратегий ойпидышым кылденыт
Российысе этнографий тоштер ден Марий Элысе калыкле тоштер стратегий ойпидышым кылденыт. Церемоний Россий этнографий тоштерыште Марий Эл Республикын кечыже мероприятий- влак программе кышкарыште эртен,- увертара «Кидшер» сайт. Этнографий тоштерын директоржо Юлия Купина ден Евсеев тоштерым вуйлатыше Ирина Якаеван пеҥгыдемдыме документ нунын пырля ыштыме шанче да шинчымашым шарыме пашаштышт у лаштыкым почеш. Партнёрство кышкарыште нуно марий калыкын историйжылан пӧлеклалтше пырля проект- влакым Йошкар-Олаштат Санкт-Петербургыштат шыҥдараш кутырен келшеныт. Россий этнографий тоштер Евразийысе 157 калыкын тӱвыра памятникшым аралыше ик эн кугу этнографий тоштер. Евсеев лӱмеш калыкле тоштер республикын вӱдышӧ тоштер кумдыкшо. Тудым 1920-шо ийыште негызлыме.
Фото: Россий этнографий тоштерын внешний кыл пӧлкаже
Фото: Россий этнографий тоштерын внешний кыл пӧлкаже
