Кокияш озымын 51,6 луаш процентше телым сайын илен лектын
Республикына мучко кокияш озымын 51,6 луаш процентше телым сайын илен лектын. Ынде кундемыштына ончыкылак урожайлан тӱҥ паша йыжыҥ тӱналын- озымлан ӱяҥдышым пуымаш. Тиде пашашке кум озанлык ушнен. Кокытыштыжо 400 гектар озымлан да 270 гектар шукияш шудылан ӱяҥдышым пуымо, а кумшо озанлыкыштыже тӱжемат 33 гектар озымеш ешартыш кочкышым шаваш кӱлеш. Пасу пашам шукташ тушко 430 тонн минерал ӱяҥдышым кондымо,- увертара ял озанлык министерстве. Россельхознадзор озымын могайрак улмыжо шотышто тыгай данныйым ончыкта: 23 тӱжем гектар озым але 51, 6 процент телым сайын эртарен, 48 процентше але 21 тӱжемат 400 гектарже- удовлетворительныйлан шотлалтеш, 0,16 шӱдаш гектар але 0,3 процентше начар семын аклалтеш. Шошым ӱяҥдышым пуымаш ончыкылык урожайлан сай негызым ышта. Озанлык- влак тиде задачым сайын шуктат, пасу пашам сайын муашлат манын ӱшанаш сай негыз уло,- ойлат ял озанлык министерствын пашаеҥже- влак.
Фото: Марий Элын ял озанлык министерствыже.
Фото: Марий Элын ял озанлык министерствыже.
