Республикыштына Российысе калык- влакын икоян улмо идалыкым эртарыме планым пеҥгыдемдыме

Республикыштына Российысе калык- влакын икоян улмо идалыкым эртарыме планым пеҥгыдемдыме
              Республикыштына Российысе калык- влакын икоян улмо идалыкым эртарыме планым пеҥгыдемдыме. Тиде идалыкым республикыштына эртарыме шотышто организационынй комитетын икымше заседанийже эртен. Марий Элым вуйлатыше Юрий Зайцевын кӱштымыжӧ почеш заседанийым Правительстве вуйлатышын икымше алмаштышыже Евгений Курмаев эртарен. Тудо ушештарен: Москошто калыкын икоян улмо идалыкым почмо годым вияш эфирыште элысе 15 регион коклаш Марий Элат пурен. Марий Эл- ойыртемалтше регион. Тыште курымла дене 50 утла калыкын тукымжо ваш умылен да келшен илат. Кажне национальность, кажне тӱвыра ик тичмашын тӧр праван ужашыже улеш. Россий калыкын икоян улмо идалык- тиде календарь пале гына огыл. Тиде эше ик гана тӱшка историйым шарналташ да уло тӱнялан Российын вийже- калыкшын келшен илымаштыже манын ончыктымаш,- каласен Евгений Курмаев.
              Правительстве вуйлатышын алмаштышыже- тӱвыра министр Константин Иванов идалыкым эртарыме план ден палымым ыштен. Событий- влак перечньыш 64 мероприятий пурен: фестиваль, ончер, концерт, театр- проект- влак да шанче-мер форум-шамыч. Тӱвыра аланысе мероприятий коклаште музыкант- влакын икымше пӱтынь марий форумыштым палемдаш лиеш. Тушко «Волгенче» рӱдерыште усталык смена- влак, йоча сымыктыш школласе тунемше- влаклан конкурс, концерт, лекций, мастар-класс- влак пурат.
             Апрельыште калык тӱвыран «Йошкар сарафан» регион кӱкшытан конкурсышт эрта, майыште кокымшо пӱтынь марий хореографий форум, балет артист ден хореограф- влакын Россий кӱкшытан конкурсышт да калык куштымашым куштышо ден хореограф- постановщик- влакын Республике кӱкшытан конкурсышт лиеш. Республикыште икмыняр шанче-практик конференций эрта. Тыгак йӱлаш савырныше фестиваль- влак лийыт. Идалыкым эртарымашке тоштер ден книгагудо- влакат ушнат. Россий кечын уло республике гыч коллектив- влак кугу концертым ончыктат, «Звук Евразии» сем проектын участникше- влакын выступленийышт лиеш. Спорт министерстват мероприятий- влакым эртара.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски