Марий Элыште агротехнологий класс- влакын чотышт 81 марте ешаралтеш

Марий Элыште агротехнологий класс- влакын чотышт 81 марте ешаралтеш
              2030-шо ийлан Марий Элыште агротехнологий класс- влакын чотышт 81 марте ешаралтеш. Тидын нерген вес республике гыч толшо уна- влак дене йыргешке ӱстел йыр мутланыме годым туныктыш министр Лариса Ревуцкая ойлен.
              Мемнан республикыш туныктымо тур кышкарыште Калмыкий гыч 13 педагог ден кум чолга тунемше толыныт. Кум кече жапыште нуно республикысе тунемме тӧнеж- влак дене палыме лийыныт. Тушто вияҥ толшо агропромышленный комплекслан кадрым ямдылат.
              Тыгай вашлиймаш- влак Калыкын икоян улмо идалыкыштые поснак кугу значениян улыт. Марий туныктыш институтышто йыргешке ӱстел годым ял озанлык пашалан туныктымашым каҥашеныт. Кызыт республикысе 13 муниципалитетысе 22 школышто 26 агротехник классым ыштыме. Тушто 350 наре ӱдыр-рвезе тунемеш. 2030-шо ий марте тыгай классым 81-ыш шукташ шонат. Класслам у оборудований дене пойдарат. Кодшо ийын ял озанлык министерстве да инвестор- влак полшымо дене оборудованийым кок школ налын, тений эше кум школыш толшаш. Агроклассла дене «Профессионалитет» проектыште участвоватлыше профессисонал туныктымо тӧнеж- влак пеҥгыде кылым кучат, «Волгенче» рӱдер ден йоча эколого-биологий рӱдер чоган участвоватлат.
           Фото: Туныктыш министерстве.

Прошлые выпуски