Марий калыкын 84 шнуй отыжын чекшым рашемдат да 2030-шо ий марте ЕГРН-ыш пуртат
Республикыштына 2030-шо ий марте 39 кӱсотым шымлат. Марий калыкын 84 шнуй отыжын чекшым рашемдат да 2030-шо ий марте ЕГРН-ыш пуртат. Нуно регион кӱкшытан тӱвыра поянлык объектлан шотлалтыт. Нине кумдык закон велым аралалташ тӱҥалыт да кусараш лийдыме погын единый кугыжаныш реестрышкыже- ЕГРН-ыш пурталтыт. Тыгай задачым республикым 2036-шо ий марте социал-экономик вияҥме стратегийыште шындыме. ЕГРН-ыш данныйым пуртымаш нине кумдыкым чоҥаш кучылтмо, руымо, озанлыкым вераҥдыме деч арала. Палемдыме почеш 2030-шо ийлан регион кӱкыштан тӱвыра поянлык объект статусым налше 100 процент кӱсото- влак юридически пеҥгыдемдыме чекан да оролымо режиман лийыт. Марий Элыште кугыжаныш оролымаште 327 кӱсото шотлалтеш. Нуным чыла тӱвыра поянлык объектын кугыжаныш реестрышкыже пуртымо. Нунын кокла гыч 70-жым кусараш лийдыме погын единый кугыжаныш реестрышкыже пуртымо.- Увертара «Кидшер» сайт.
Фото: «Кидшер».
Фото: «Кидшер».
