Марий тӱвыра илышым шӱлык авалтен
Марий тӱвыра илышыш ойго толын. Теҥгече марий калыкын чапланыше ӱдыржӧ, Совет да Россий оперный мурызо, Озаҥ Кугыжаныш консерваторийын туныктышыжо, профессор, Российын сулло артисткыже, Марий Эл ден Татарстанын калык артисткышт, мурызо- влакын эн кӱшыл тӱнямбал лигыштын еҥже Галина Окунева-Ластовкан шӱмжӧ кырымым чарнен. Тудо 79 ийым темен ыле.
Галина Трофимовна Шернур районысо Семенсола ялеш 1947-ше ийын 1-ше январьыште шочын. Йошкар-Оласе музыкальный училищым, Озан Кугыжаныш консерваторийым, консерваторий пеленсе аспирантурым тунем пытарен. Габдулла Тукай лӱмеш Татар Кугыжаныш филармонийын, Муса Джалиль лӱмеш Татар опера да балет театрын вӱдышӧ солисткыже, опера сценын примыже лийын, 30 утла партийым мурен.
Шке жапыштыже элысе кугу сценылаште чапланыше лӱмлӧ мурызо- влак дене пырля мурен. Ятыр йот эллашке гастроль дене коштын.
Марий калыкым ӧрдыжтат чапландарыше кугу лӱман артистке да шочмо кундемжым йӧратыше Галина Трофимовна Окунева-Ластовка калык шӱмеш эрелан шарнымашеш кодеш.
Фото: Википедий.
Галина Трофимовна Шернур районысо Семенсола ялеш 1947-ше ийын 1-ше январьыште шочын. Йошкар-Оласе музыкальный училищым, Озан Кугыжаныш консерваторийым, консерваторий пеленсе аспирантурым тунем пытарен. Габдулла Тукай лӱмеш Татар Кугыжаныш филармонийын, Муса Джалиль лӱмеш Татар опера да балет театрын вӱдышӧ солисткыже, опера сценын примыже лийын, 30 утла партийым мурен.
Шке жапыштыже элысе кугу сценылаште чапланыше лӱмлӧ мурызо- влак дене пырля мурен. Ятыр йот эллашке гастроль дене коштын.
Марий калыкым ӧрдыжтат чапландарыше кугу лӱман артистке да шочмо кундемжым йӧратыше Галина Трофимовна Окунева-Ластовка калык шӱмеш эрелан шарнымашеш кодеш.
Фото: Википедий.
