Татарстаныште илыше еҥым Марий Элыште кугу тӱшка синтетикан наркотик дене кученыт

Татарстаныште илыше еҥым Марий Элыште кугу тӱшка синтетикан наркотик дене кученыт
             Марий Элыште Татарстаныште илыше еҥым кугу тӱшка синтетикан наркотик дене кученыт. «Ару тукым» оперативно-профилактике мероприятий кышкарыште наркотикым коштыктымым тергыме шотышто виктемын сотрудникше- влак Набережный Челна ола гыч 18 ияш рвезым кученыт. Тудо Марий Эл кундемыште кугу тӱшка наркотикым шараш тӧчымылан титаклалтеш. Тудым осал веществаже дене пырля Медведево район кундемыште кучымо. Рашемдыме: тудо такси дене Моско гыч Йошкар-Олаш кураторжын кӱштымыжӧ почеш наркотикым конден. Тергыме годым оперативник- влак тудын сумкаштыже порошокан пакетым верештыныт. Тудым шымлымаш ончыктен: тиде 500 грамм нелытан синтетикан наркотик улмаш. Туддеч посна пеленже упаковко материалым, весам мумо. Тидыже рвезын наркотикым посна-посна опташ да регионышто шаркалаш шонымыжо нерген ойла. Уголовный пашам тарватыме, самырык еҥым петырыме.
           Фото: Марий Элысе МВД.

Прошлые выпуски