Константин Иванов Лосев лӱмеш историй да сӱрет тоштерым капитально олмыктымо пашан кузе кайымыжым терген
Тӱвыра министр Константин Иванов Лосев лӱмеш историй да сӱрет тоштерым капитально олмыктымо пашан кузе кайымыжым терген. Паша «Тӱвыра» калыкле проект кышкарыште шукталтеш. Тудлан 9 миллионат 500 тӱжем теҥгем ойырымо. Тоштерын зданийже Юрино посёлкын историй рӱдыштыжӧ верланен. Тудо кермыч дене чоҥымо кок пачашан пӧрт, капкажымат арка семын кермыч дене оптымо. Тудым кугу коваште заводын озаже, у храмым чоҥымашын меценатше Михаил Кислов 1863-шо ийыште чоҥен. Министрлан увертарыме: леведышым, тувыраш да пачаш- влак кокласе перекрытийым олмыктымо, ырыктыме системым вашталтыме. План почеш эше фасадым олмыкташ, окна блоклам, пӧлемлан пырдыжыштым олмыкташ палемдыме. Константин Иванов палемден: олмыктымылан кӧра тоштерын шукырак экспонатым ончыкташ, утларак экскурсант- влак дене мероприятийлам эртараш йӧнжӧ лиеш. Паша график почеш шукталтеш, качестве чапле, - каласен министр.
Фото:Тӱвыра министерстве.
Фото:Тӱвыра министерстве.
