Федор Телицын ден Владимир Сандыков иймаш дене Марий Элын у рекордшым шынденыт
Федор Телицын ден Владимир Сандыков иймаш дене Марий Элын у рекордшым шынденыт. Озаҥ олаште иймаш дене Российын Чемпионатыштыже Марий Элын чапшым спорт мастер- влак Никита Лыжин, Фёдор Телицын да Владимир Сандыков араленыт. Таҥасымаште чылаже Белоруссий, Казахстан, Черногорий, Таджикистан да Кечывалвел Осетий гыч 672 спортсмен лийын. Тидыже ӱчышымашлан Тӱнямбал кӱкшытан статусым пуэн. Фёдор Телицын 400 метрыш иймаште шкенжын эн сай лектышыжым ончыктен да Марий Элын у рекордшым шынден: 4 мин, 03 сек да 27 секунд ужаш. Владимир Сандыков Марий Элын рекордшым 200 метрыш иймаште ончыктен: 2 мин. 20 сек да 80 секунд ужаш. Тудо эн сай- влак радамыш пурен да юниор финалыште танасаш ойыратын.
Фото: Спорт-туризм министерстве.
Фото: Спорт-туризм министерстве.
