Пермь олаште школышто тунемше- влак коклаште Юл кундем федерал округын интеллектуал олимпиадын сеҥыше ден призёржо- влакым палемденыт
Пермь олаште школышто тунемше- влак коклаште Юл кундем федерал округын интеллектуал олимпиадын сеҥыше ден призёржо- влакым палемденыт. Крайын рӱдӧ олашкыже округысо чыла кундем гыч эн ушан 200 утла тунемше погынен. Сборный командылашке муниципал да регионысо таҥасымашлаште сеҥыше- влак пуреныт. Тений олимпиаде вич корно дене ыштен: Программирований, Изобретатель задачым ыштымаш, Робототехнике, Мо?Кушто?Кунам? да тений тӱҥалше Пилотде чоҥештылше аппаратым виктарымаш корно- влак дене. Тунемше- влакын олимпиадыштын лектышыже почеш сеҥыше- влакым палемдыме. Робототехнике корно дене икымше верым Марий Элын командыже сеҥен налын. Пилотде чоҥешытлше аппаратым программироватлыме корнышто Марий Эл тыгак икымше верыш лектын. Чыла вич таҥасымашын лектышыже почеш икымше верым Пермь крайын командыжлан пуымо, кокымшо вер Угарманын сборныйжылан логалын, кумшо верыш Киров областьын тунемшыже- влак лектыныт.
