Йошкар-Ола гыч «Йошкин пырыслан» Юрино посёлкышто йолташым ыштыме

Йошкар-Ола гыч «Йошкин пырыслан» Юрино посёлкышто йолташым ыштыме
             Йошкар-Ола гыч «Йошкин пырыслан» Юрино посёлкышто йолташым ыштыме. Тушто «Шереметев пырыс» скульптура композицийым  почмо. Арт-объект райрӱдын Тӱҥ площадьыштыже Шереметев замкын ваштарешыже верланен. Шонымашым амалкалче- влак Николай Мамаев ден Владимир Аптулаев илышыш шыҥдареныт. «Шереметев пырыс» Карл Фридрих Шинкельын эскизше почеш ыштыме диванеш ласкан гына верланен. Диванын копийже Шереметев замкыште да Екатеринбург тӱссымыктыш тоштерыште шога. Пырысе шке йокопаже дене книгам кучен. А ӱмбалныже Шереметевмытын гербыштым сӱретлыме. Скульптура композицийым Челябинск областьыште Каслинысе чойным велыктыме заводышто велыктен луктыныт. А икмыняр кече ончыч Замокын ик велыштыже вӱд йымач лукмо курымла дене кийыше тумын галерейжым почмо.
            Фото: Иван Речкин.

Прошлые выпуски