Правительстве пӧртыштӧ юмын йӱла ушем- влак дене кылым кучымо шотышто заседаний лийын

Правительстве пӧртыштӧ  юмын йӱла ушем- влак дене кылым кучымо шотышто заседаний лийын
            Правительстве пӧртыштӧ  юмын йӱла ушем- влак дене кылым кучымо шотышто Марий Элым вуйлатыше пеленысе Советын заседанийже лийын. Тудым Республикым вуйлатышын кӱштымыжӧ почеш Правительстве вуйлатышын икымше алмаштышыже Михаил Васютин вӱден. Тӱҥ доклад дене самырык политике комитетым вуйлатыше Станислав Игошин, Россий юстиций министерствын Марий Элысе виктемжым вуйлатышын алмаштышыже Татьяна Русских, Морко район администрацийым вуйлатыше Александр Голубков ыштеныт. Погынышо- влак кодшо ийын да тенийлан самырык- влак коклаште калык да религий дене кылдалтше экстремизмым ончылгоч шижтарыме шотышто ыштышаш эн ончыл мера- влак планым кузе шуктымым каҥашеныт. Правительстве вуйлатышын икымше алмаштышыже палемден: планын мероприятийже- влакым иылышыш шыҥдарымаш шкенжын пайдалыкшым ончыктен. Икымше апрельлан шотлымаште республикыште 179 юмынйӱла организацийым регистрироватлыме. Тушечын кумытшо централизованный, 176-шо верысе юмынйӱла организаций. Район да ола округлан администрацийыштышт юмын йӱла ушем- влак дене кылым кучымо шотышто совет- влак пашам ыштат. Мутлан, Морко районышто калык да конфессий кокласе кылым пеҥгыдемдыме, калык коклаште умылыдымаш ынже лий манын, чыла калыкын тӱвыра да йӱлажым пагалымашым шуарыме шотышто чарныде паша виктаралтеш. Ожнысек калык коклаште келшымаш шӱлыш вияҥ толмылан, администрацийын ыштыме мерыжлан кӧра районышто конфессий кокласе кыл ласкан аралалт кодеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски