Концессий почеш школым умбакыжат чоҥаш тӱҥалыт
Концессий почеш школым умбакыжат чоҥаш тӱҥалыт. Тунемме тӧнеж- влакым концессий ойпидыш почеш чоҥымо пашам Республикым вуйлатыше Юрий Зайцевын эртарыме совещанийыште Правительствын еҥже- влак, концессионер, Сбербанкын кугыжаныш-частный партнёрство рӱдержын да кугыжаныш экспертизе виктемын еҥже- влак дене каҥашыме. Мутланымашым тӱналме годым Марий Элым вуйлатыше Йошкар-Олаште да Килемар районышто концессий ойпидыш почеш чоҥымо кок школым жапыштыже шуктыдымо тургыжландара манын. Сандене лекше ӱчашымашан йодыш- влакым вашкерак виктарен колташ пырля пашам ышташ кӱштен. Совещанийын лектышыже почеш концессий ойпидыш кышкарыште школ- влакым чоҥаш йӧным ыштыме нерген решенийым лукмо.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
