Республикысе туныктышо- влак ончыкылык пашам каҥашеныт

Республикысе туныктышо- влак ончыкылык пашам каҥашеныт
Таче калыкле президент школ- интернатыште республикысе туныктышо- влакын августысо конференцийышт пашам ыштен. Тудо ныл площадкыште эксперт сессий семын эртен. Республикысе форум деч ончыч районласе конференций- влак лийыныт. Тушто эртыше тунемме ийым иктешлыме, «Образований» калыкле проект кышкарыште ончыкылык планым каҥашыме. Муниципал конференцийлаште вич тӱжем наре туныктыш пашаеҥ погынен. Республикысе погынымашке 160 еҥ ушнен. Нунын коклаште туныктымо тӧнежлам вуйлатыше, педагогик да шанче пашаеҥ, кугыжаныш кучемын да муниципал образованийлан еҥышт улыт. Тений школласе парт коклаш 79 тӱжемат 500 тунемше шинчеш. А икымше классыш икымше гана 9 тӱжемат 600 йоча толеш. А кодшо ийын 8 тӱжемат 800 йоча икымше классыш толын, чылаже 76 тӱжемат 700 ӱдыр- рвезе шинчымашым налын. Тыгай ешаралтмашым 2012-шо ийыште йочан шукырак шочмыж дене умылтарат. Утларак йоча шочмаш 2012-шо гыч 2014-ше ий марте шуйнен.

Прошлые выпуски