Шинчымаш пайрем лӱмеш- кросс-кантри таҥасымаш
Икымше сентябрьыште «Корта» ече базыште 10 шагатлан кросс- кантри таҥасымаш дене Йошкар-Ола кубкын кумшо йыжыҥже эрта. Кросс-кантри – тиде курыкышто коштмо велосипед дене таҥасымашын ик видше. Тыштат курык гыч волымаш да кужун кӱзымаш, писын да технически эртыме участке- влак лийыт. Таҥасымаш таза илыш йӱлам, калык колаште велоспортым шарен колташ, виян спортсмен- влакым пален налаш манын эртаралтеш. Тушто 14-18 ияш да пӧръеҥ ден ӱдырамаш- влак таҥасаш тӱналыт.
