Пайрем да каныш кечылаште Марий Элыште вучыдымо ситуаций лийын огыл

Пайрем да каныш кечылаште Марий Элыште вучыдымо ситуаций лийын огыл
             Пайрем да каныш кечылаште Марий Элыште вучыдымо ситуаций лийын огыл. Марий Элым вуйлатыше Юрий Зайцев ден Правительстве вуйлатышын алмаштышыже Степан Воронцов республике мучко 30-шо декабрь гыч 9-ше январь маррте илышлан лӱдыкшыдымылык шотышто могай сӱрет лиймым каҥашеныт. Юрий Зайцев палемден: кече еда налын шогымо увер почеш, оперативный службо- влакын пеҥгыдемдыме режим почеш пашам ыштымыштлан кӧра пурышо увер- влак почеш вашке мерым ыштыме. Конешне, ДТП ден пожарлаште ӱмыр лугыч лийше- влак деч посна эртен огыл. Вучыдымо ситуаций лийын огыл, изирак аварий- влакым жапыштыже кораҥден шогымо. Чыла службо сайын пашам ыштен, но эркышнаш ок лий. Кундемыштына йӱштӧ шога. Мемнан тӱн задачына- корно происшествий ынже лий манын тыршымаш, кид-йолым кылмыкташ огыл, яклештын эмганыме  деч шекланаш да моло сомылат. Степан Воронцовын увертарымыже почеш, пайрем да каныш кечылаште сурт коклаште 25 пожар лийын, кум еҥ ӱмыр лугыч лийын. Корнылаште эмганымашан 11 ДТП лийын, кок еҥ колен. Утарыше- влак полшаш 8 гана лектын коштыныт. 112 телефон номерыш йыҥгыртымаш эн шукыжо 31-ше декабрьлан логалын- ик тӱжемат 194 йыҥгыр.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски