Йошкар-Олаште фигурнын мунчалтымаш дене Россий кубкын кокымшо йыжыҥже лиеш

Йошкар-Олаште фигурнын мунчалтымаш дене Россий кубкын кокымшо йыжыҥже лиеш
             Йошкар-Олаште фигурнын мунчалтымаш дене Россий кубкын кокымшо йыжыҥже лиеш. «Марий Эл» ий полатыште 12-шо гыч 14-ше январь марте Россий кубкын кокымшо йыжыҥже да Россий кӱкшытан «Марий вашлиймаш- влак» таҥасымаш эртаралтеш. Ӱчашымаш- влак «Демографий» калыкле проектын «Спорт илышын нормыжо» федерал проектше кышкарыште лийыт. Шке мастарлыкыштым Российысе 12 регион гыч синхрон дене мунчалтыше ӱдыр- влакын командышт ончыктат. Мемнан республикыште Россий Кубкын ик йыжыҥже икымше гана огыл эртаралтеш да эре шуко еҥым чумыра. Россий кӱкшытан спорт таҥасымаш- влакым эртарымаш мемнан республикын лӱмжым нӧлта, верысе калыклан уста спортсмен- влакым ужаш йӧным пуа да спорт дене кылым кучаш кумылаҥда,- ойла спорт оралте- влак виктемын директоржо Андрей Сидоркин.
               Фото: ВК «Марий Элыште спорт» .

Прошлые выпуски