Корно-влак саемыт

Марий Элым вуйлатыше Александр Евстифеев Россий Федерацийыште региональный вияҥмаш шотышто правительственный президиумын погынымашкыже ушнен. Тудым регион-влакын вуйлатышышт дене Россий правительстве председательын алмаштышыже Марат Хуснуллин эртарен. Видеоконференцийышке погынышо-влак «Сай качестван лӱдыкшыдымӧ корно-влак» нацпроектын шукталтмыжым каҥашеныт. Тений Марий Элыште «Корно сеть» регионысо проектлан 2 милилард 773 миллион теҥге окса ойыралтын. Тушеч 978 миллионжо федерал бюджет гыч. Пелыже Йошкар-Олаште Киров ден Строитель уремлам ушышо магистральым чоҥаш кайышаш. 14-ше сентябрьлан ойырымо оксан 43 процентшым кучылтмо.

Прошлые выпуски