Эше ик корным ачалыме
Йошкар-Оласе эше ик уремыште корным ачален пытареныт. Тиде - Красноармейский уремын Машиностроитель урем гыч тӱҥалын, Йыван Кырла урем марте ужашыже. Тушто 2 километр наре корным тӧрленыт. «Автодор» организацийын пашаеҥже-влак тошто асфальтын ӱмбал ужашыжым кораҥден, уым шареныт, бодюрым вашталтеныт, тротуарым тӧрленыт. Канализаций да вӱд пуч системым «Водоканал» капитально олмыктен.Ачалыме паша «Лудыкшыдымӧ да сай качестван автомобиль корно-влак» нацпроект почеш шукталтын. Контрактын акше – 56 миллион тенге.
