Сатум шагалрак налына
Марий Элыште розничный ужалымаш иземын.Тений калык сатум шагалрак налын. Январь гыч август марте республикыште, ӱмашсе тыгаяк жап дене таҥастарымаште, ужалымаш 8 процентлан волен. Кандаш тылзе жапыште сатум чылаже 56 миллиард 600 тӱжем теҥгелан ужалыме. Тышеч пелыжым кочкыш йӧрвар дене ыштен налме. Но тидат кодшо ийысе деч 4 процентлан шагалрак. Ярмиҥга ден пазарлаште гын сатум ужалымаш 17 процентлан иземын.
