Коронавирус деч икымше вакциным медик-влаклан ыштат
Марий Элыште коронарвирус деч икымше партий вакциным вучат. Лишыл жапыште 588 доза вакцина толшаш. Привикым медицина пашаеҥ-влаклан эн
ондак ыштат. Тидын нерген Республикысе тазалыкаралтыш
министр Марина Панькова коронавирус шотышто оперативный штабын погынымаштыже
ойлен. У вакцина дене прививкым кок гана ыштыман. Нунын коклаште 3 арня лийшаш. Каласыман:
эпидемий тургым жапыште Марий Элыште Ковид-19 инфекций дене 700 утла медпашаеҥ
черланен.
