Республикысе корнылаште у фотовидеофиксаций комплекс- влакым вераҥдыме
Республикысе корнылаште у фотовидеофиксаций комплекс- влакым вераҥдыме. Марий Элым вуйлатыше Александр Евстифеевын эртарыме Республикысе Правительствын заседанийыштыже тӱшка автомобиль корнылаште корно правилым пудыртымым возен налше системым тений вияҥдыме йодыш- влакым каҥашыме да 2021-ше- 2024-ше ий марте задаче- влакым ончен лекме. Транспорт да корно озанлык министр Александр Герасименко ушештарен: «Лӱдыкшыдымӧ да сай качестван автомобиль корно- влак» калыкле проектын ик тӱҥ цельже- 2017-ше ий дене таҥастарымаште корнышто колымашым кум пачашат пелылан шагалемдымаш. Кодшо ийын республикыштына 879 корно туткар лийын. Тушто 91 еҥ колен, тӱжемат 207 еҥ сусырген. Тӱҥ амалжылан водитель- влакым начар ямдылымашым, корно правилым пудыртымашым, скоростьым эскерыдымашым шотлымо. Сандене корно правилым шуктымым тергымаш икымше верыш лектеш. Комплекс- влакым утларак лӱдыкшӧ верлаште вераҥдыме лиеш. Кызыт система 60 фотовидеофиксаций комплексым ушен шога. Шуктымо паша шке лектышыжымат пуа. Тенийсе икымше кварталыште административный правонарушений шотышто лукмо пунчалын чотшо 387 процентлан ешаралтын да 74 тӱжемат 800 утла пунчалыш шуын, кодшо ийын 19 тӱжем утла лийын. Кызыт эше 10 стационар комплексым вераҥдаш да кусныл коштшо ик комплексым налаш контрактым ыштыме. Тыгак тоштемшыже- влакым вашталташ задачым шындыме.
Заседанийыште тыгак коронавирус шотышто эпидемиологий ситуаций да ыштыме мера нерген ойлымо. Тымарте 43 тӱжем тестым ыштыме, тӱжемат 627 еҥ медицина эскерымаште улеш. Тиддеч посна кучылтмо аралыше средствым уэш черлан шарлаш амалым ынже пу манын, кӱлеш семын пытарыме нерген ойлымо.
Заседанийыште тыгак коронавирус шотышто эпидемиологий ситуаций да ыштыме мера нерген ойлымо. Тымарте 43 тӱжем тестым ыштыме, тӱжемат 627 еҥ медицина эскерымаште улеш. Тиддеч посна кучылтмо аралыше средствым уэш черлан шарлаш амалым ынже пу манын, кӱлеш семын пытарыме нерген ойлымо.
