Правительствын заседанийыштыже Конституцийыш вашталтышым пуртымо шотышто йӱклымашлан ямдылалтме йодышым ончымо
Александр Евстифеевыын эртарыме Марий Эл Правительствын заседанийыштыже Конституцийыш вашталтышым пуртымо шотышто йӱклымашлан ямдылалтме йодышым ончымо. Рӱдӧ сайлыме комиссийым вуйлатыше Ирина Татаринова каласен: йӱклымӧ кечылан икымше июльым Российын Президентше Владимир Путин палемден. Республикыште кызыт 539 тӱжем сайлышым регистрироватлыме. Йӱклымашым республикысе рӱдӧ избирком, 18 терриортальный сайлыме комиссий, 520 участковый сайлыме комиссий да жаплан вераҥдымаште улшо- влаклан йӱклаш 13 участковый комиссий эртараш тӱҥалыт. Йӱклымаш Роспотребнадзор виктемын чыла темлымашыжым шотыш налын эртышаш. Тӱҥ йӱклымаш деч ончыч куд кече жапыштат 25-ше гыч 30-шо июнь марте йӱклаш лиеш. Тидлан 5-ше гыч 21-ше июнь марте йодмашым пуаш кӱлеш. Эскерыше- влакымат ямдылат.
