Козьмодемьянск гыч Макаровмыт еш «Йӱлам аралыше еш» номинацийыште сеҥышыш лектын
Москошто «Россий» калыкле рӱдерыште кажне ийын эртарыме Россий кӱкшытан «Талукын ешыже» конкурсышто сеҥыше- влакым саламленыт. Козьмодемьянск гыч Макаровмыт еш «Йӱлам аралыше еш» номинацийыште сеҥышыш лектын. Паша да социал аралтыш министр Антон Котяков нунылан сеҥышын дипломжым кучыктен. Александр Васильевич ден Мария Георгиевна вич йочам ончен куштат да курык марий- влакым тӱвыраштым чынжымак аралыше улыт. Нунын суртыштышт эре курык марий йылме да карш-кӱсле сем йоҥга. Макаровмыт еш шочмо кундемжын историйжым чулымын шымла да идалык еда «Ару сер» экологий акцийлаште участвоватла. Марий Элым вуйлатыше Юрий Зайцев Макаровмыт ешым сулен налме сеҥымаш дене саламлен.
Фото: Юрий Зайцевын ТГК-же.
Фото: Юрий Зайцевын ТГК-же.
