«Шӧртньӧ шыже» Марий Эллан 14 шӧртньӧ медальым да Гран-прим конден

«Шӧртньӧ шыже» Марий Эллан 14 шӧртньӧ медальым да Гран-прим конден
             Москошто «Шӧртньӧ шыже-2025» Российысе агропромышленный выставке мучашлалтын. Тушто Марий Элын продукцийжым ик эн сайлан шотленыт. Эксперт ден ончаш да налаш мийыше- влак мемнан сатун качествыжым кӱкшын акленыт да кугу награде дене палемденыт. Марий Эл сыр, шӧр да колбасан кӱкшӧ качествыжлан 14 шӧртньӧ медальым налын. Тидын нерген Юрий Зайцев шке телеграм-каналыштыже возен. Мероприятийыш мемнан 19 ял озанлык предприятий миен. Нуно шылым, шӧр продуктым, колбасам, сырым, шере йӧрварым, чайым да «Марий Элыште ыштыме» бренд дене моло сатум намиеныт. Марий Элын стендше мийыше шуко еҥын кумылжым савырен да тӱҥ  наградым- Гран-прим налын. Чылаже мемнан- влакын 23 медальышт погынен. Нунын кокла гыч 14-ше шӧртньӧ медаль.
         Фото: Юрий Зайцевын ТГ каналже.

Прошлые выпуски