«Кулаковы- Цотнай» автомобиль корнын тӱрыс кужытшым уэмдыме.
«Илашлан инфраструктура» калыкле проект кышкарыште Курык марий районысо шуко еҥын йодмыжо почеш «Кулаковы- Цотнай» автомобиль корнын тӱрыс кужытшым уэмдыме. Олмыктымо годым «Автодор» подряд организаций асфальт шартышым тӧрлымӧ деч посна корно мучко оваргыше да волен шичше ужашлаште шартышым вашалтен. Тидыже корнылан кужунрак кучалташ полша. тыгак вӱдым колтышо пуч- влакым ачалыме, корно тӱрым тыгыде кӱ да асфальтогранулят дене пеҥгыдемден. Школ автобус коштмо ужашлаште барьер чаракым да разметкым ыштыме. Тиде корно дене тыгак Мосолов лӱмеш Племзавод-колхоз деке коштыт. Тудыжо ял озанлык продукцийым ыштен луктеш. Сай корно логистике пашам куштылемда да урожай ден ямде продукцийым жапыштыже шупшыкташ йӧным пуа да районысо агропромышленный комплекслан вияҥаш полша.
Фото: Транспорт министерстве.
Фото: Транспорт министерстве.
