Ончыкыжым Марий Элыште технопарк шочын кертеш

Ончыкыжым Марий Элыште технопарк шочын кертеш
            Ончыкыжым Марий Элыште технопарк шочын кертеш. Тиде темым Марий Эл Кугыжаныш Погынын промышленность шотышто комитетшын заседанийыштыже нӧлталме. Полупроводник прибор- влак заводын директоржо Андрей Нарбутт Марий Элыште икымше технопаркым ышташ темлен. Тудым ЗПП кумдыкеш яра цех ден ямде инфраструктурым кучылтын вераҥдаш палемдалтеш. Тушто пашам ыштен кертше компаний- влакын ончылгоч ямдылыме спискыжат уло.
              Промышленность, экономически вияҥмаш да торговля министр Владимир Халюзин рашемден: Марий Элыште радиоэлектронике производствым вияҥдаш шонымаш уло. Технопарк тиде отрасль гыч вӱдышӧ компаний- влакым пырля ушаш да регионыш у кызытсе жаплан келшыше производство- влакым кондаш полша. Проект илышыш шыҥдаралтше манын компаний-участник- влаклан кугыжаныш льгота ден полыш кӱлеш. Кызыт верысе закон- влак погылан налог шотышто льготым технопарк- влакын виктарыше компанийыштлан гына пуат. Юл кундем округысо моло регионышто полыш мера ятрылан шукырак. Комитет технопаркым ышташ шонымашым поддержатлен. Марий Элын Правительствыжлан пошкудо кундем- влакын опытыштым шымлаш да виктарыше компаний- влаклант, ончыкылык технопаркын резидентше- влаклан ешартыш льготым ышташ темлыме.
            Фото: Марий Эл Кугыжаныш Погынын пресс-службыжо.

Прошлые выпуски