Марий Элысе ял озанлык да кочкыш сату министерствым таче кече гыч Павел Раевский вуйлаташ тӱналын
Марий Элысе ял озанлык да кочкыш сату министерствым таче кече гыч Павел Раевский вуйлаташ тӱналын. Марий Элым вуйлатыше тудым министр постыш пеҥгыдемдые нерген Указым пеҥгыдемден. Ончычсо министр Андрей Кондратенко паша гыч шке кумылын 14-ше октябрьыште каен. Павел Валентинович тиде марте ял озанлык министрын алмаштышыже лийын. Тудо фермер ешыште кушкын, «Агрономий» корно дене Чуваш кугыжаныш ял озанлык академийым тунем лектын, «Финанс ден кредит» корно дене Санкт-Петербургысо кугыжаныш экономике университетым тунем пытарен, Марий Элысе ял озанлык коопераций да фермер- влакым поддержатлыме сферыште компетенций рӱдерым вуйлатен.
Фото: П.Раевскийын ВК-же.
Фото: П.Раевскийын ВК-же.
