Республикыштына 2030-шо ий марте 100 деч шагал огыл инвестиций проектым поддержатлаш шонат

Республикыштына 2030-шо ий марте 100 деч шагал огыл инвестиций проектым поддержатлаш шонат

             Республикыштына 2030-шо ий марте 100 деч шагал огыл инвестиций проектым поддержатлаш шонат. Россий экономически вияҥмаш министерствыште социал- экономик вияҥдыме индивидуал программе- влаклан пӧлеклалтше йыргешке ӱстел эртен. Марий Элым вуйлатыше Юрий Зайцевын кӱштымыжӧ почеш мероприятийыште Правительстве вуйлатышын икымше алмаштышыже Дмитрий Троицкий ден промышленность министрын алмаштышыже Светлана Воротилова видеоконференцкыл йӧн дене участвоватленыт. Мероприятийыште стажер семын кадр программын участникше Александр Егошин лийын. Тудын наставникше Дмитрий Троицкий улеш да вуйлатыме паша деке ушен шога.
             Йыргешке ӱстел кышкарыште регионласе индивидуал программым шыҥдарыме лектышым иктешленыт. Нуным шындараш тӱшка налмаште федерал рӱдер 50 миллиард теҥгем ойырен. Тиде пашаште Марий Эл сай лектышым ончыктен. Вич ийыште регионышто 8 миллиард утла теҥгем кучылтын 125 инвестиций проектым поддержатлыме, тӱжем утла пашаверывм ыштыме, а регион ешарен ик миллиард утла теҥге налог парышым налын. 15 кӱлешан объектым пашаш колтымо. Нунын коклаште аэропортын пассажир терминалже, ветеринар лабораторийын корпусшо, вӱдым ситарыме да йоктарен колтымо 7 объект улыт. Президент Владимир Путинын кӱштымыжӧ почеш индивидуал программым шыҥдарымашым 2030-шо ий марте шуйымо. Регион- влаклан федерал полышын тӱшка кугытшым 60 миллиард теҥге марте кугемдыме.
             Марий Эл оксам кучылтмо  эн кӱлешан корно- влакым палемден. 6 миллиард теҥгем кучылтшаш проект- влак радамыште Юрино ден Кокшайск селаште причал инфраструктурым ыштымаш улыт. 2030-шо ий марте республикыште 100 деч шагал огыл инвестиций проектым поддержатлаш, 8 миллиард наре теҥге инвестицийым кондаш, 900 утла у пашаверым ышташ палемдыме, вич миллиард утла теҥге налог парыш лийшаш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски