Козьмодемьянск Олан кечыжым пайремлаш ямдылалтеш
Козьмодемьянскыште 27-ше августын Олан кечыжым пайремлаш тӱналыт. Чыкма ола шкенжын 439-ше шочмо кечыжым палемда. Икымняр мероприятийже кугарнян кастенак тӱналеш, тӱҥ пайрем программыжым шуматкечын ончаш лиеш. Оласе калыкым да уна- влакым спорт таҥасымаш вуча, уремысе кино фестиваль 26-шо августышто 20 шагатлан Этнографий тоштер воктене тӱҥалеш. Шуматкечын пайрем лу шагатлан почылтеш да 23 шагатлан мучашлалтеш. Тиде кечын интерактивный программе, йоча куржталмаш, фитнес урок, тӱрлӧ мастар-класс, ярминга, спектакль-влак лийыт. Пайремыш Сапаев лӱмеш театрын артистше- влак мият да «Рок в опере» представленийым ончыктат. Тыгак «МузДжус» группа усталыкшым темла. 21 шагатлан пайрем дискотека тӱналеш, пайремым волгыдо тулсавыш мучашла.
