Козьмодемьянск олан мэрже пале лийын

Козьмодемьянск олан мэрже пале лийын
Козьмодемьянск оласе депутат- влак погынымашын черетан сессийыштыже увертарыме: олан мэрже должностьыш конкурсыш кок еҥ лектын ыле: мэрын социал йодыш дене алмаштышыже Дмитрий Бузанов ден мэрын сомылжым шуктышо Михаил Козлов. Йӱклымаш почеш мэрлан Михаил Козловым сайлыме. Тидымат каласыман:
Спорттуризм министерствын увертарымыж почеш, Марий Эл Правительствын пунчалже дене Козьмодемьянск олалан регионысо кӱкшытан историй шотан илем статусым пуымо. Тидыже республикысе историй да тӱвыралан посна значениян улеш. Чыкма олан тыгак моногород статусшо уло. Тудо чынжымак ойыртемалтше тошто ола. Тушто 160 утла историй да архитектура памятник уло. Тудо турист- влакынат кумылыштым савыра. Тудын гоч Юл кундем округыш пурышо ойыртемалтше кок туризм маршрут эрта: «Чудеса земли Марийской» да «Край звонких гуслей». Тыгак Россий кӱкшытан конкурсышто сеҥышыш лекше «Бендериада» маскара фестивальже дене чаплана.

Прошлые выпуски