Марий Эл Кугыжаныш Погынын бюджет сессийже 28-ше ноябрьыште погына
Марий Эл Кугыжаныш Погын Президиумын нылымше заседанийже эртен. Президиумын еҥже- влак марий парламентын эрла почылтшаш кумшо сессийжылан ямдылалтме йодышым каҥашеныт. Комитет- влакын закон проектлам да Погынын Пунчалже- влакым каҥашаш темлыме пашаштым иктешленыт, эртыше материал- влак нерген увертарыме сомылым ончен лектыныт, повесткым, секретариатын составшым, сессийын паша радамжым пеҥгыдемденыт. Президиум тыгак тений 28-ше ноябрьыште Кугыжаныш Погынын нылымше бюджет сессийжым чумыраш решенийым луктын. Тудлан ямдылалташ тӱналме радамыште «2020-шо да 2021-2022-шо ий- влаклан Республикын бюджетше нерген» закон проектше дене пашам ыштыме мероприятий- влакым пеҥгыдемдыме да бюджет шотышто тӱшка колыштмашым эртарыме радамым ыштыме. 12-шо ноябрьыште финанс министерствыште Депутатын кечыже эртышаш. Тушто республикым 2020-2022-шо ийлаште социально- экономически вияҥдыме прогнозым да ончыкылык кум ийлан республикын бюджетше шотышто законын проектшым ончаш тӱналыт.
