Йошкар-Олаште адакат вич тӱжем теҥгеаш шояк оксам верештме
Йошкар-Олаште адакат вич тӱжем теҥгеаш шояк оксам верештме. Тудым банкыште рашемденыт. Тений идалык тӱҥалтыш гыч республикыште кумло утла шояк кагаз оксам рашемдыме. Шукыж годым нуно вич тӱжемаш лийыныт. Уголовный пашам тарватыме. МВД пашаеҥ- влак тӱткӧ лияш темлат. Кокытеланымашым лукшо оксам верештмеке, тудым тӱлаш кучылташ тыршыман огыл, тыгак вес еҥлан пуаш але луктын кудалташ ок лий. Чын улмыжым рашемдаш кеч могай банкын кассыштыже йодаш лиеш але полицийыш увертарыман.
