Козьмодемьянск Российысе конкурсышто сеҥышыш лектын
Кодшо кугарнян Тюмень олаште изи ола да историй шотан илем-влакым вияҥдыме шотышто форум эртен. Тушто Россий минстройын эртарыме йӧнан илыме кумдыкым ышташ эн сай проект- влаклан эртарыме Российысе конкурсым иктешлыме. Сеҥыше- влак радамыш Козьмодемьянск олат пурен. Тудо «Историй шотан илем» номинацийыште «Козьмодемьянск- историйын, экологийын, тӱвыран илыше тоштерже» проектше дене сеҥышыш лектын. Тиде проект олан историй ужашыжым ола-тоштер семын вияҥдымашке да турист- влакым кумылаҥдымашке виктаралтын. Проектым шыҥдараш ола 44 миллионат 500 тӱжем теҥгем налеш. Тиде пеш кӱлешан проект, каласен олан мэрже Михаил Козлов. Тудын дене кугу команде республикым вуйлатышын виктарымыж почеш пашам ыштен, калыкат уло кумылын ушнен. Тений проектно-сметный документацийым ыштен пеҥгыдемдыман, вес ийлан пашам тӱҥалман.
