Козьмодемьянск оласе А.Григорьев лӱмеш художественно- исторический тоштерлан 100 ий темеш

Козьмодемьянск оласе А.Григорьев лӱмеш художественно- исторический тоштерлан 100 ий темеш
Марий Элышке Россий Федерацийысе тӱвыра министрын алмаштышыже Николай Овсиенко толшаш. Тудын визитше Козьмодемьянск оласе Александр Григорьев лӱмеш художественно- исторический тоштерын 100 ияш лӱмгечыжым пайремлыме радамыште лиеш. Лӱмгечым 5-ше сентябрьыште палемдаш тӱҥалыт. Художественно-исторический тоштер лӱмлӧ сӱретче да мер пашаеҥ Александр Григорьевын лӱмжым нумалеш да республикын кугешнаш йӧрышӧ тӧнежше улеш. Козьмодемьянск олан ик тошто мотор зданийыштыже, Юл эҥер серыште, купеч Пономарёвын пӧртыштыжӧ  верлана. Тудым «Юлышто Изи Третьяковка» маныт. Молан манаш гын, тоштерыште палыме да чапланыше руш сӱретче- влакын радынашт аралалтеш. Нунын коклаште Айвазовский, Маковский, Творожников, Корзухин, Поленов, Коровин, Грабарь, Фешин да молат улыт. Тыгайже дене кугу тоштер- влакат моктанен огыт керт. Тоштерыште тыгак 18-20-шо курымласе тошто фарфор, лу, пушеҥге, янда да кӱртньӧ гыч ыштыме ӱзгар- влак аралатыт.

Прошлые выпуски