Козьмодемьянскысе Йоча усталык пӧртлан леведышым олмыкташ 10 миллионат 600 тӱжем теҥгем ойырат
Юрий Зайцевын решенийже дене Козьмодемьянскысе Йоча усталык пӧртлан леведышым олмыкташ 10 миллионат 600 тӱжем теҥгем ойырат. Республикым вуйлатыше тиде олаш паша дене миен ыле. Кажне муниципал образованийыште тӱткышым йодшо объект- влак улыт. Калыкын обращенийжым лудам, шкешт денат вашлиям, районым вуйлатыше- влак деч проблеме нерген пален налам. Калык дене кылым кучымаш кӱлешан. Еҥ- влакын чолга позицийышт пӱсын шогышо йодыш- влакым виктарен колташ полшат,- падемден тудо. Тиде объект Чыкма оласе ешартыш шинчымашым пуышо рӱдер улеш. Йоча усталык пӧртыштӧ 4 гыч 18 ияш марте тӱжем утла йоча тунемеш. Нуно туныктышо- влакын вуйлатымышт почеш тӱрлӧ конкурсышто таҥасат, сеҥыше да призёр лийыт. 2024-ше-2025-ше тунемме ийын икымше пелийыштыже гына тыште тунемше- влак муниципал, республике, регион, Россий да тӱнямбал кӱкшытыштӧ 400 гана призёр лийыныт. Леведышым вашталташ проект да смета документаций ямде, олмыкташ лишыл жапыште пижшаш улыт. Молан манаш гын, шыже йӱр тӱналмеш тудым мучашлаш кӱлеш.
Фото: @yvzaitsev
Фото: @yvzaitsev
