Марий Элыште Союзный кугыжанышын тунемшыже- влакын турист слётышт тӱҥалын

Марий Элыште Союзный кугыжанышын тунемшыже- влакын турист слётышт тӱҥалын
                 Марий Элыште Союзный кугыжанышын тунемшыже- влакын турист слётышт тӱҥалын. «Пӱнчер» тунемме да тренироватлалтме базыш Россий да Белоруссий гыч тӱрлӧ таҥасымашын 370 сеҥыше ден призёржо погынен. Союз кугыжанышын слётшо- тиде йӱла, Тудо Россий ден Белоруссийын тунемшыже- влакым ятыр ий ушен шога. Слёт команде дене пашам ыштыме негызым ышта, иза-шольо калык- влакын тӱвыра ден историйыштым пагалаш туныкта,- каласен Россий Просвещений министр Сергей Кравцов. Марий Элым вуйлатыше Юрий Зайцевын лӱмжӧ дене участник- влакым правительстве вуйлатышын алмаштышыже- тӱвыра министр Константин Иванов саламлен. Куд кече жапыште Россий да Белоруссий гыч 37 команде спорт ориентирований, спорт туризм, контроль турист маршрутлаште таҥасымаште участвоватлат. Программыште тыгак визит карточко, краеведений паша, турист газет да турист муро конкурс- влак улыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски