Козьмодемьянскыште «Ургаш, пидаш туныктена, йочадам ончен шогена» проектым тӱналыныт
Козьмодемьянскыште «Ургаш, пидаш туныктена, йочадам ончен шогена» проектым тӱналыныт. Кугурак тукымын вашлийме рӱдерыште тыгай проект пашам ышташ тӱҥалын. Тыгай шонымашым рӱдерыш коштшо илалше еҥ- влак темленыт. Кугурак тукымын кидпашам шуктымо кугу опытшо уло. Декретыште шинчыше самырык ава- влак дене шке опытышт дене пайлалт кертыт. Самырык ӱдырамаш- влакын пидме да ургымо жапыште, кугу ийготан волонтёр- влак нунын йочашт дене модын кертыт. Кугурак тукымын вашлийме рӱдерже Гагарин уремысе 8-ше пӧртеш верланен.Проектым шыҥдарыме йодыш дене кушкыжмын да кугарнян 14 гыч 16 шагат марте мияш лиеш,- увертара Козьмодемьянск олан администрацийже.
Фото: ТСН 24
Фото: ТСН 24
