Марий Элыште тений икымше специализированный автомобильым кучыктеныт
Марий Элыште тений икымше специализированный автомобильым кучыктеныт. Россий Социал фондын пӧлкажым виктарыше Владимир Орехов Оршанке район гыч ондак пашаште эмганыше еҥлан автомобиль деч сравочым пуэн. Тений тиде икымше тыгай машина лийын. Машина озажынат тиде икымше транспортшо. Кызыт Лада Гранта автомобильым кучыктат, а производствышто эмганыше- влаклан полышым пуымо программе ышташ тӱҥалме годым «Ока» автомобильым пуэныт, вара «ВАЗ-2105»-ым. Республикыштына тиде программе 2001-ше ий гыч пашам ышта. Тиде жапыште 248 машинам пуымо,- каласен Владимир Орехов. Автомобильым тудын озажын йодмашыжлан да тазалыкше дене келшен толжо манын тичмаш ямдылен келыштарыме. Тудым тӱрысынек кид дене виктараш ыштыме. Специальный автотранспорт шым ийлан пуалтеш. Тыгай машинам производствышто эмганыше да обязательный социал страхований системыште страховатлыме еҥ- влак налын кертыт. Тыгай транспортын кӱлешлыкшым медиципа показаний почеш да виктарашлан чарак уке годым рашемдат.
Фото: Россий социал фондын Марий Элысе пӧлкаже.
Фото: Россий социал фондын Марий Элысе пӧлкаже.
