Андрей Вырвич Йӱдвел- Кавказ кундемыште Марий Элын полиций отрядышкыже миен
Андрей Вырвич Ачамландым аралышын кечыже вашеш Йӱдвел- Кавказ кундемыште Марий Элын полиций отрядышкыже миен. Мӧҥгӧ деч тораште служитлыше полицийын сводный отрядше дене лийын. Сотрудник- влак кажне кечын профилактике пашам шуктат да верысе калыкын лӱдыкшыдымылыкшым ыштат. Республикысе МВД-н сводный отрядшын кужу командировкышто улмыжым пален шогышыла, ведомствым вуйлатыше личный составын илыме йӧнжӧ дене палыме лийын. Чыла пӧлемым ончен лектын, канаш, спорт дене кылым кучаш отрядыште йӧным ыштыме але укем ончен, верысе кухньышто шолтымо кочкышым тамлен ончен. Полицийын генерал-майоржо тыгак правам аралыше- влакым лишемше пайрем дене саламлен, службым чаткан наҥгайымыштлан тауштен да ведомствын наградыже- влакым кучыктен.
Фото: Марий Элысе МВД.
Фото: Марий Элысе МВД.
