23-шо февральыште ачамландым аралышын кечыже палемдалтеш
Шушаш рушарнян 23-шо февральыште ачамландым аралышын кечыже палемдалтеш. Военнослужащий ден ветеран- влакым, Республикысе калыкым Марий Элым вуйлатыше Юрий Зайцев тиде пайрем дене саламла. Тиде пайрем виян да поро шонымашан еҥ- влаклан пӧлеклалтын. Нунылан тыныслык ден элнан эрыкше эн кугу ак да илышын смысылже улеш. Мемнан элысе калык армийыште шке службо порысыштым достойнын шуктат, лӱмын эртарыме сар операцийыште боевой задачым шуктат, лӱдыкшыдымлык да правопорядке органлаште служитлат. Кажныже калыклан да Шочмо эллан ӱшанле улмо шонымаш дене элнам аралыме пашам шоналтен да умылен ойырен налын. Тиде кечын ме поснак тауштымо да пагалыме шомакнам сарын да военный службын ветеранже- влаклан виктарена. Республикын ятыр еҥже чын герой лийыныт, а нунын подвигышт у тукымлан патрылыкын, лӱддымылыкын примерже лийын шогат. Тений ме Кугу Ачамланде сарыште сеҥымылан 80 ий теммым палемдена. Российын президентше Владимир Путин тенийсе ийым Ачамландым аралышын Идалыкше семын увертарен. Тиде решений элнан эртыме геройло историйжым шарнаш кӱлмым ончыкта да кугыжанышнан лӱдыкшыдымылыкшым да эрыкшым аралымаште шогышо- влакым чапландара. Россий эре шкенжын икоян улмыжо дене виян лийын. Кызыт элна у тергымаш- влак дене вашлиеш. Ме тӱрысынек аралышына- влакым, нунын ешыштым поддерживатлена, воин часть- влаклан полшен шогена. Ӱшанем: ме пырля чыла нелылыкым эртена да Сеҥымашыш шуына.- ойлалтеш Марий Элым вуйлатышын саламлымашыштыже.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
