Юрий Зайцев ден Николай Бурляев «Золотой Витязь» Тӱнямбал кинофорумын йӱксолнышыжо» фестивальым почыныт

Юрий Зайцев ден Николай Бурляев «Золотой Витязь» Тӱнямбал кинофорумын йӱксолнышыжо» фестивальым почыныт
              Юрий Зайцев ден Николай Бурляев «Золотой Витязь» Тӱнямбал кинофорумын йӱксолнышыжо» фестивальым почыныт. Мероприятий Эрик Сапаев лӱмеш опера да балет кугыжаныш академический театрыште эртен. Николай Бурляев кинофорумым эртараш молан Йошкар- Олам ойырен налме нерген каласкален. Кок ий ончыч Марий Элым вуйлатышын кабинетыштыже кок программым шукташ кутырен келшышна. Иктыже- тышке Российын эн сай спектакльжым- Никита Михалковын «Двенадцать» пашажым ӱжаш. И ме тиде сценыште модна. А вара уло вий дене «Тӱнямбал кинофорумын йӱксолнышыжо» фестивальым Йошкар-Олаште ышташ. Марий Элым вуйлатыше республикыште тыгай событийым эртарымылан Николай Бурляевлан таум каласен. Тӱҥалтышыште Бурляевын модмо кинокартине- влак гыч  ужашлам ончыктымо. Чыла нуно патриотизм теме дене кылдалтыныт. Фестивальын участникше да ончаш толшо- влаклан шке саламлымашыжым тыгак Российын калык артистше Владимир Машков колтен. Фестиваль кышкарыште 24-ше гыч 26-шо февраль марте кином ончыктат, ончер, усталык вашлиймаш, концерт- влак лийыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски