Марий Элым вуйлатыше боксын тӱнямбал шӱдыржӧ- влаклан руш портышкем ден спорт формым пӧлеклен

Марий Элым вуйлатыше боксын тӱнямбал шӱдыржӧ- влаклан руш портышкем ден спорт формым пӧлеклен
         Марий Элым вуйлатыше боксын тӱнямбал шӱдыржӧ- влаклан руш портышкем ден спорт формым пӧлеклен. Вашке 28-ше февральыште Йошкар-Олаште «РенТВ кучедалме клуб» бокс дене Тӱнямбал турнир тӱҥалеш. Тидын лӱмеш Калык- влакын келшымаш пӧртыштышт марий рӱдӧ олашке лӱмын толшо боксёр- влак дене пресс-конференций эртен. Тушто Рой Джонс, Кевин Джонсон, Олег Саитов да Владимир Хрюнов участвоватленыт. Марий Элым вуйлатыше Юрий Зайцев тиде событийын регионлан кӱлешан улмыжым палемден. Рой Джонс мылам тыште лияш моткоч кугу честь манын. Мый Российыш толаш йӧратем, тышме мыйын кокымшо пӧртем манме шонымаш шочеш. Тиде конференцийыштат мый уло кумылын участвоватлем, молан манаш гын, ме боксым шарен колтена манын ӱшанем,- каласен тудо. А Олимпий чемпион Олег Саитов тукым вожемын кундемышкыже толынам. Мыйын ачам марий кокла гыч лектын. Мый моткоч куаненам, бокс марий мландышкат толын. Тыште тыгай таҥасымаш эше эртаралтын огыл, чыла мотор оҥай, чапле лийшаш,- каласен спортсмен. Пресс-конференций мучашлалтме годым Республикым вуйлатыше чемпион- влаклан руш портышкемым пӧлеклен, а Рой Джонслан боксёр формым кучыктымо.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски